DUO DU BAS : AR RAMZEZED
+ PEVARAD TALEG NOGUET

 

Ar ramzezed eo an harozezed a vez anv anezho er c’hanaouennoù a zo bet skrivet hag a zo bet lakaet sonerezh warno gant Elsa Korr ha Hélène Jacquelot. O c’hejadennoù eo linenn-stur ar c’hanaouennoù kanet gant Duo du Bas, evel ur road-movie foll. Tomm-tre int avat ouzh ar sonerezh ergerzhet en-dro d’o div vouezh ha da draoù ar vuhez pemdeziek a blij dezho diheñchañ evit al lusk hag ar varzhoniez. Kinnig a reont deoc’h ur sonadeg leun a souezhadennoù hag a faltazioù ordinal.

 

Ar pevarad-se savet en-dro d’ar ganerez Rozenn Taleg ha d’ar soner akordeoñs Yannig Noguet, a vod aergelc’hioù ar festoù-noz hag ar sonadegoù gant ampartiz en ur lakaat dibarder ha donded ar gwerzioù e servij birvidigezh ar gavotenn. An daou soner bet pedet gant an daouad da rannañ o skiant-prenet (Julien Padovani ouzh ar c’hlavieroù, ha Timothée Le Bour gant ar saksofon) a zegas d’ar c’hanaouennoù livioù nevesoc’h troet war-zu ar jazz hag an sonerezhioù primaozet. Kinnig a ra ar pevarad-se evel-se ur sonerezh bev ha nerzhus evit an treid, met ivez dous ha blizidik evit an divskouarn !

Pad : 2e.