KLUB FOTO AR STÊR-AON

 

Klub Foto ar Stêr-Aon

Ouzhpenn 10 vloaz zo ez eus bodet luc’hskeudennerien a bep live hag eus pep lec’h e Klub Foto ar Stêr-Aon, evit kenlodañ, deskiñ hag anaout traoù nevez ha mont war-raok asambles. Ul lec’h eskemm, kaset en-dro gant tud entanet, eo ar c’hlub a-raok pep tra. Degas a ra an dud pep a skiant-prenañ da vezañ kenlodet gant ar re all. An doare gwellañ eo evit deskiñ ha mont war-raok. En em vodañ a ra izili ar c’hlub meur a wech ar miz evit komz diwar-benn temoù termenet e deroù ar c’houlzad ha diwar-benn troiadoù er-maez evit tapout luc’hskeudennoù. Mareoù dibar eo ar re-se evit pleustriñ ha diskoachañ lec’hioù hag a zo danvez ur sell enno. Ar c’henlodañ eo diazez ar c’hlub. Gant plijadur hag imor vat e vez graet.  

Skeud ha Gouloù

Al luc’hskedeunnerezh a dalvez kement hag « obererezh luc’hskeudenniñ », da lavaret eo ez eo un teknik hag a ro tro da gaout skeudennoù dre wered ar gouloù (pe al luc’h). Er bloaz-mañ en deus kinniget Klub Foto ar Stêr-Aon d’e izili c’hoari gant ar gouloù hag ar skeudoù a c’hall krouiñ : « Skeud ha Gouloù ». Pep hini a c’hall en em gemer gant an tem-se evel ma kar. Gwelet a reoc’h dre un tregont panell bennak pegen liesseurt eo doareoù hol luc’hskeudennerien da dapout skeudennoù, ken evit dibab an danvezioù, ken evit gouzout gant peseurt teknikoù ober evit tennañ luc’hskeudennoù pe evit plediñ gant al luc’hskeudennoù goude.D’ar weladennerien eo d’ober o soñj diwar-benn ar Skeudoù hag ar Gouleier-se hon eus bet c’hoant da genlodañ gant ar muiañ a dud. Piv ’oar ? Gouiet hon eus degas c’hoant deoc’h da zont ganeomp marteze.