MISTRI TABOULINOÙ BURUNDI

 

Setu un abadenn sonerezh, hag hi kaer-kenañ. Bez’ eo, moarvat, unan eus an arvestoù bravañ kinniget gant binvioù-tos hag a c’haller gwelet ha klevet war an douar bras en Afrika. Mêsaerien roue Burundi, meurdezus, gwisket gant gwiadoù ruz ha gwenn, a seller outo evel ar gwellañ hirdaboulinerien er bed. E neblec’h all ne c’haller, war a seblant, kavout un hevelep laz-seniñ, un hevelep startijenn bodet evel-se. Kroz o zaboulinoù a sav diwar al leur hag a aloub ar c’horfoù evit disoc’hañ war ur reustl mestroniet a luskoù, a youc’hadennoù, a lammoù hag a zañs. Hag en em lezel a reer da vont da-heul galv an treant laouen kaset d’ar bed gant ar gannadourien voemus-se, gant o luskoù bamus ha sebezus kinniget deomp gant birvidigezh naturel, levenez ha c’hoant bevañ ur bobl a-bezh. Deuet eo sonerien Taboulinoù Burundi da vezañ dileuridi ar sonerezh sonet a-daolioù ha festus m’emañ an holl c’halloudoù gant an taboulinoù.

Evit an holl
Pad : 1e