FRANÇOISE LEBLOND
  • FRANÇOISE LEBLOND
    « FANTALISTIQUE »

  • DISKOUEZADEG LIVADURIOÙ
  • EUS AR 6 A VIZ MEURZH BETEK AN 2 A VIZ EBREL

  • HALL GLENMOR

  • « An Arz zo un alc’hwez hag a zigor dor un huñvre dihunet. » 

  • Françoise Leblond, livourez ha kizellerez, ganet e Puteaux. Ezel eus an Diazezadur Taylor. Goude bezañ studiet an arzoù en Akademiezh an Ti-soul Bras e Pariz, ha bezañ tapet un diplom arkitektur diabarzh en Akademiezh Charpentier e Pariz, he deus desket Françoise Leblond teknikoù ar falskoad hag ar falsmarbrenn er Skol Blot e Reims hag an trell-lagad hag ar freskenn-voger en IPEDEC e Pantin. Labouret he deus evel kinklerez evit kabinedoù arkitektur hag evit bed an arvestoù. Abaoe 2022 e ra livadurioù ha diskouez a ra he labour e Frañs, hag en estrenvro.

    Lakaat a ra Françoise Leblond war wel un tu dic’hortoz eus an arz a vremañ gant he doare, tro-ha-tro, c’hoarius ha fromus. Gant he doare a-benn-kaer e tiverk, gant gwidre, an holl dikedennoù hag ober a ra goap ouzh reolennoù an arz klasel evel ouzh goulennoù an arz a vremañ, met gant blizidigezh bepred.

    En he livadurioù denheñvelek e vez leurennet ar c’hizhier gant frankiz ganti. Hardizh e vez bepred  gant he doare da adtaolenniَñ al livadurioù graet gant mistri veur. Adlivañ a ra o c’hemennadennoù gant he zeknik dezhi. Un doare-ober arzel dedennus en ur bed en deus ezhomm eus fent hag eus drantiz.

    Françoise Leblond zo un arzourez lies he donezonoù. Ober a reomp anaoudegezh ganti en ur skritur nevez, « ar realouriezh faltazius ». Kinnig a ra un doare adnevezet ha ledanaet da welet ar gwirvoud gant al lodenn esparded, diboellelezh, iskister, pe kevrin a zo e bezañs hag e spered mab-den. Ar soñj zo ez eo ar faltazi lodenn eus ar gwirvoud hag e rank an harz etre an daou bezañ diskaret.

    En he livadurioù « Difetisted varzhek » e verk Françoise Leblond gant he doare dezhi he bed barzhonius a zo e jestr pront he sinadur dezhi. Kement-se zo joaius ha pedet e vezer da vont gant an arzourez e-barzh he dañs heol. Un oberenn lugernus evel n’eus ket bet gwelet c’hoazh ma’z eo laouenek an difetisted.

     BANDEAU 01

     

     

  • Tarifs
    Gweladenn frank ha digoust
    Diskouezadeg da welet eus al Lun d’ar Gwener eus 9e ha 12e hag eus 2e da 5e30.
We use cookies
Nous utilisons des cookies sur notre site Web. Certains d'entre eux sont indispensables au fonctionnement du site, tandis que d'autres nous aident à améliorer ce site et l'expérience utilisateur (cookies de suivi). Vous pouvez décider vous-même si vous souhaitez autoriser ou non les cookies. Veuillez noter que si vous les rejetez, vous ne pourrez peut-être pas utiliser toutes les fonctionnalités du site.