FEST AR VUGALE

 

Bugale ar c’helc’hioù keltiek ezel eus Kenleur Penn-ar-Bed en em gavo e Karaez evit an eil bloaz diouzh renk da-geñver Fest ar Vugale, ar gouel bras aozet bep bloaz evito e-kerzh gouel Breizh. War-dro 500 bugel a zibuno e straedoù kêr en o dilhad hengounel ha diouzh lusk ar sonerezh. Mont a raint goude-se d’al Leurenn Glenmor, lec’h ma vo abadennoù goude merenn hag a roy tro dezho da lakaat e pleustr ar pezh o deus desket war sevenadur ha dañsoù Breizh e-pad ar bloaz. Digor d’an holl e vo an devezh-se. N’eo ket ret bezañ e-barzh ar bed sevenadurel breizhat dija : neb a gar a c’hallo kemer perzh en atalieroù da zeskiñ sevenadur Breizh hag ober anaoudegezh, da skouer, gant ar broderezh, ar c’hoarioù koad hengounel peotramant an tresañ keltiek.

Evit an holl.

Tavarn ha boued war al lec’h.