DISKOUEZADEG « MEIN BREIZH »

Anne Kadored, lesavet Nan’, bet ganet e Naoned, he deus eztaolet sevenadur Breizh, he bro c’henidik, pa oa yaouank-flamm dre ar c’han, al livañ hag ar skrivañ.
E Naoned, e Miz Gwengolo 2008, he doa diskouezet he « Breizh kevrinus » evit ar wech kentañ.

He barroù-livañ, heñchet gant he c’harantez evit Breizh, a zegas anezhi en-dro bepred war-zu reier kevrinus ar gweledvaoù keltiek.

Al liverezh dre eoul war lien eo an teknik implijet ganti.
Diwar c’hoari gant an dargemmoù, ar gouloù-dic’houloù, ar mein hag ar plant, e fell dezhi degas betek ennomp ar from hag ar varzhoniezh a intr an ene kelt ha broudañ ijin ar sellerien.

Da-heul pep taolenn ez eus ur barzhoneg, troet e brezhoneg hag e gallaoueg, peogwir eo stag da vat yezhoù ur vro ouzh he gweledvaoù evit ezteuler ar pezh a zo en hec’h ene.

An holl sujedoù a zo anezhe evit gwir, daoust ma’z int bet kinniget en ur mod disheñvel gant sell dibar an arzourez.