VENT D’ESPOIR - AVEL ESPERAÑS
Triad Dan ar Braz + Blow West!

Sonadeg kengred evit degas arc’hant d’an enklask war ar mukovisidoz

Daou strollad arouezel e bed ar sonerezh mod Breizh a vo bodet en nozvezh-se, kenaozet gant ar gevredigezh Pierre Le Bigaut – mukovisidoz, evit sikour an enklask war ar mukovisidoz.
Daou ved en em gav war al leurenn : energiezh orkestrel ar jazz West Coast sonet diouzh o mod gant Blow West! ha barzhoniezh keltiek an triad Dan ar Braz. Un nozvezh ma teu ar sonerezh da vezañ ur c’hwezh esperañs, e servij ur gaoz a bouez.

Blow West! – C’hwezh ar jazz West Coast

Blow West!, ul Little big band unnek soner anezhañ, a son e mod al lazoù-seniñ West Coast er bloavezhioù 50 ha 60. En o strollad dibar, hanter hent etre ul laz-seniñ bihan hag ul laz-seniñ bras, ma vez roet ul lec’h bras d’ar frankiz ezteurel ha ma vez roet da glevet sonerezh puilh evel ma veze graet gant ar strolladoù « big bands » war un dro. Seniñ a reont oberennoù arouezel eus ar jazz West Coast ha sonaozennoù dibar adkempennet evit ar mod rouez-se da orkestriñ, ma lakaer ar c’hendonioù, al livioù degaset gant ar binvioù-seniñ ha kempennadurioù mistr e-kreiz ar jeu.

Ar sonerien, a zo an holl anezhe eus Penn-ar-Bed, a ya d’ober ur strollad unanet hag arroutet. Gant o sonioù, resis ha tomm war un dro, e kinnigont ur jazz orkestrel aes da gompren, leun a swing ha skedus. Deuet eo Blow West! da vezañ unan eus ar strolladoù entanusañ war dachenn ar jazz kempennet en deiz hiziv.

Xavier Lurton (kempenn ha renerezh, trompilh, bugl ha melofoniom)
André Losken ha Stéphane Clayette (trompilh ha bugl)
Thomas Besse (trombon)
Karl Gourioù (saks alto ha soprano)
Pierrik Vidal (saks tenor ha fleüt)
Bernard an Dreo (saks bariton, soprano ha klarinetenn)
Gilbert Bekont (gitar)
Jacky Bouilliol (piano)
Jonathan Caserta (kontrebas ha gitar-boud)
David Rusaouen (toumperezh)

Triad Dan ar Braz – Un dreizhadenn nesaek er bed keltiek
« Sonerezhioù evit ar Mareoù didrouz da Zont »

Dan ar Braz, un arzour meur anezhañ e Breizh, a zo bet e-touez a re o deus krouet sonerezh e-pad meur a zek vloaz, eus ar mare ma oa bet o kregiñ ganti gant Alan Stivell betek ar mare m’en doa graet berzh gant « Hêrezh ar Gelted » er bed a-bezh. Gant an triad-se e teu en-dro da ginnnig un arvest donoc’h e stumm, diaezezet war ar sonenn hag ar from. Eilet gant David ar Porzh ha Jean-Claude Normant emañ oc’h adweladenniñ pezhioù a vank en e doniaoueg, lakaat a ra pezhioù all anavezet nebeutoc’h da glevet ha kinnig a ra un doare tener da glevet e ved keltiek.

Lakaat a ra ar formulenn c’hwennet-se soutilded ar mod da seniñ, unaniezh ar sonerien ha donder ar c’henaozadennoù war-wel. Kouviet e vezer gant an triad-se d’ober ur veaj diabarzh, ma vez sonet yac’h pep notenn, ma vez kontet un istor gant pep tem, en un endro c’hwek, barzhoniel hag ar verk an dud war un dro.

Dan ar Braz (guitar ha kan)
David ar Porzh (gitar)
Jean Claude Normant (klavieroù)
José Nedeleg (kreizenn ar son)

Un nozvezh da genlodañ

Ouzhpenn an emgav arzel, Vent d’Espoir – Avel Esperañs, ez eo ur mare evit reiñ bec’h a-stroll. Dibabet o deus al Leurenn Glenmor hag ar Pierre Le Bigaut – mukovisidoz lakaat sonerezh ha kengred asambles. Evel-se e tiskouezont o engouestl evit an enklask hag evit skoazellañ ar familhoù e kont. Un nozvezh ma vo lakaet an arz e servij ur gaoz a bouez, ma teuio an dud da vezañ oberourien un nerzh stroll.