SOLEIL PLANÈTE

Mosai & Vincent, goude bezañ savet div abadenn evit ar vugaligoù (Je me réveille ha Le Disco des oiseaux), o deus ijinet ur frapad plijadur all, un arvest dudius-kaer ha leun a levenez. Ken entanus bepred eo an tonioù o deus savet evit ar sonadeg nevez-mañ : an daou arzour a c’hoari war un dro gant gitaroù klev ha tredan ha gant standilhonoù ha beats elektro, en ur ganañ gant o div vouezh heson. Evel ur fest vras e tle bezañ bevet : a-ispilh emañ an amzer, ha boemus un tamm.

Ur c’han d’al levenez eo Soleil Planète. Ar c’hanaouennoù a bed ac’hanomp da vont gant hentoù ma c’hallomp bezañ diroll ha disheñvel, ma c’hallomp kanañ ha dañsal, c’hoarzhin asambles, peotramant, ma kavomp gwelloc’h, sellet ha selaou hepmuiken. Ne vern petra a choazomp ober e-pad an arvest : dav eo da bep hini ac’hanomp bezañ evel m’emañ hag ober ar pezh hag a ra vad dezhañ.

Donemat war ur blanedenn livet-flamm lec’h ma vez roet ton d’ar c’han ha d’an dañs, ma vez degaset levenez d’an dud, hep gouzout dezho, ha ma vezont broudet da vourrañ !

Pozioù ha sonerezh : Cédric Guyomard (kan, gitar, ukulele) ha Vincent Perrigault (stokelleg, pad-où elektronek, kan)
Leurennañ : Denis Athimon
Kinkladur savet gant : Luc Mainaud
Leurennaozañ ha dilhad : Cécile Pelletier

Adalek 6 miz
Pad : 30 min