REBECCA ROGER CRUZ

E Caracas eo bet ganet ar ganerez ha taboulinerez Rebecca Roger Cruz. Gant he muzik e tispak ur bed hep par ma kej ar sonerezhioù kozh, hengounel, c’hoariet a-stroll ha war ar prim. Meur a levezon a glever mesk-ha-mesk : binvioù tos (afro) venezuelat, lidoù hengounel eus Barlovento (en hanternoz Venezuela), kanaouennoù-pobl latinamerikan, tonioù barok, lourennek, jazz, rock ha flamenko… Bodet e vezont-holl gant ampartiz an arzourez, a oar stummañ ur sonerezh dezhi hec’h-unan. Diwar meskañ ar sonerezhioù disheñvel-se he deus savet Rebecca Roger Cruz he fladenn gentañ. Goude bezañ tapet brud gant ar strolladoù AA’IN, Parranda La Cruz pe MAAAR e ro da glevet an tonioù nevez-se, asambles gant pevar soner donezonet-bras. Gant he mouezh liesdoare e tremen eus ar c’hanoù laboused d’ar breoù barzhel, a zo warno merkoù ar realouriezh-hud, en ur glask c’hoari gant mammennoù ha teksturioù ar son. Liammet start eo ar sonerez venezuelat ouzh an natur : kerdin ha bambouz a implij pa vez o seniñ live war al leurenn, e barr an trañs gant he zaboulinoù, aet da vestrez ul lid ma sourr nerzhioù an natur. Kridiennoù a zegaso deoc’h a-dra-sur !

Kan, binvioù-tos : Rebecca Roger Cruz
Violoñs, diskan : Sylvain Rabourdin
Violoñsel, diskan : Léonore Grollemund
Gourvioloñs : Léna Aubert
Binvioù-tos, diskan, kan difonek : Juri Caneiro

Evit an holl.
Pad : 1e30.