STEPHAN EICHER

 

Stephan Eicher, ar songwriter suis brudet, a zalc’h da vamañ ar sellerien gant e abadennoù war-eeun a laka ar c’halonoù da dridal e pep lec’h en Europa. Arvestoù gwir eo e sonadegoù. Nouspet gwech int bet nevesaet, ha mont a reont d’ober un abadenn sonerezh ha n’haller ket ankouaat. Den n’hall chom diseblant kennebeut ouzh an doare ma son e holl ganaouennoù gant dilested ha gant entan, ar re anavezet ar muiañ koulz hag ar re nevez.  Gouzout a ra Eicher krouiñ mareoù boemus war al leurenn gant e vouezh dibar he liv, e destennoù barzhoniel hag e donioù dalc’hus.

"E-pad 40 vloaz evel beajour kantreer em eus komprenet e oa ar c’hoarivaoù lec’hioù mat evit mont war al leurenn dirak an dud, ar pezh a laka ac’hanon da vreskenn ha da spontañ war un dro. Gouzout a ran ez eus ur rideoz ruz ha pounner enno hag a voug safar ar bed diavaez hag e geleier dibaouez ; gouzout a ran e kaver tud enno ivez hag a zo en em brientet a-zevri da vont d’an emgav-se, hag e tegasont ar pep priziusañ ganto : o evezh !"   Stephan Eicher

Evit an holl
Pad : 1e15